30 March 2017

Puisi Agustina Thamrin : Mantra Karindangan

Mantra Karindangan

Oleh:Agustina Thamrin

Oo..asap dupa wewangian
Nining datang umpat bajajak
Bajajak diatas awan
Bajajak diatas asap
Asap hidup mancari razaki
Razaki di ulak banyu
Banyu landas banyu baah banyu amuk dihulu
Di tanah leluhur

Oo Mayang Maurai
Prakk...dibumbunan
Siapa apa nang mahalimunan
Titir talu walas hari
Mangiau maningau manyaru urang nang karindangan

Ooo...papaiakan kambang Mayang
Mangariau gunung gunung
Lembah sungai laut laut

Ooo..Mandau Sarapang
Tarabang umpat diasap
Pangaras hati bunyi bunyian
Riang riang hati nang dandaman.

Banjarbaru, 2017.

________

Agustina Thamrin, Saat ini tinggal dan berkarya di Banjarbaru, Kalimantan Selatan. Aktif mengikuti kegiatan sastra budaya di berbagai kota di Indonesia. (WS/Kf)

Category: 

loading...

Berita Terkait

Baca juga


Loading...